[center][font:b78d=Times New Roman][size=16][color:b78d=#0000ff][b]ياما حـلا الفنجـال والبـال خالـي
فـي خايـعٍ نبتـه خزامـا ونـوار
قبل امس من مـزنٍ بروقـه تلالـي
مسقيه ربي مـن هماليـل االامطـار
امطر عليهـا مـن حقـوق الخيالـي
وسميـةٍ هملولهـا هــل مــدرار
انشأ لها الرحمـن عقـب المحالـي
مسايـل الوديـان تجـري كالانهـار
وارجع لها من عقـب غـبٍ علالـي
ليما الخبـاري غيبـت كـل محـدار
فـي خيمـةٍ مـا شرفـت بالعلالـي
تلعب بها الارياح مـن دار مـا دار
في مطمنٍ عن لفـح ريـح الشمالـي
في روضةٍ خضراء وتزهى بالأزهار
وبريـةٍ تعمـل بصـفـر الـدلالـي
واللـي يباريهـا بصيـرٍ وصـبـار
يصبهـا حـال زهبـت للرجـالـي
اللي لهـم بالقلـب حشمـه ومقـدار
اللي يسرونـك اليـا جـاء مجالـي
في عسرهم ما قدموا سـرد الاعـذار
الروح ترخـص عندهـم والحلالـي
دون الرفيق اللي شكى غبن واعسـار
من عرفنا ماقيـل ذا لـك و ذا لـي
وحق الخوي محفوظ لو صار ما صار
ياغايـة المطلـوب ياشـف بـالـي
خوة هـل العليـا طويليـن الاشبـار
لاهــم دنيـيـنٍ ولا بالـتـوالـي
عيال عمـي ترثـة اجـواد واخيـار
جـدٍ لهـم بالماضيـات الخـوالـي
سطـر لـه التاريـخ علـمٍ وتذكـار
ابن الحميـد اللـي اعتلـى للمعالـي
من قوم ابن زامل هل الخيل والكـار
التـرك منـه يـوم شـب القتـالـى
خلى الجزيره واندحر صوب الأهوار
والبرتقالـى جـاه مـا منـه هالـي
عـود وراه بسفنـه وفـج الأبحـار
وآخـر كلامـي وبنهايـة مقـالـي
صلوا على المبعوث امـرار وامـرار
عـد الحجـر واعـداد ذر الرمالـي
واعداد ما طافوا علـى البيـت زوار [/b][/color][/size][/font][/center]
الخميس أغسطس 21, 2008 6:31 pm